2017 ж. 16 мамыр күні мектеп психологы Султанбекова Б.М. «Бірінші сынып оқушыларының ата-аналарына психологиялық көмек» атты тақырыбындағы конференция өткізді. Аталған конференцияға даярлық топ оқушыларының ата-аналары, тәрбие ісінің меңгерушісі Омарова Ф.Б., әлеуметтік педагог Исина Ф.Х., даярлық топ жетекшісі Нурахметова Ш.У. қатысты. Конференцияның алғысөзін тәрбие ісінің меңгерушісі Омарова Ф.Б. бастады. Психолог Султанбекова Б.М. даярлық топ ата-аналарымен «Қорап» атты тренинг өткізді.
«БЕЙІМДЕЛУ, БЕДЕЛ, БЕЛСЕНДІЛІК», «баланы мектепте оқытуға бейімдеу: ата-аналарға кеңестер», «жаңа өмір тәртібіне дағдылануға көмектесу», «өз балаңыздың мектептегі жетістіктеріне қатысты парасатты бола біліңіз», «балаңызға бірінші сыныптың бірінші жартыжылдығында артық жүк артпауға тырысыңыз», «ата-ананың беделі» тақырыбындағы бірнеше слайд-презентациялар көрсетілді.
Сонымен қоса ата-аналарға «ата-аналардың теріс сөздері», «Айқайлайтын ата-аналар» атты бейнежазба көрсетілді. Бұл бейнежазбаларды көру арқылы бала өзіне ересектер қалай қараса, солай қарайтынын ата-аналар түсінді. Теріс сөздер баланың мінез-құлқын алдағы бірнеше жылға дейін бағдарламалай алады. Көп жағдайда ата-аналардың асығыспен, ойланбай айта салған сөздері директивтерге айналады (әрекеттерге, мінез-құлыққа, ойларға әмірлер) және баланың одан арғы дамуын айқындайды деген қорытынды шығарды.
Қорытынды ретінде ата-аналарға балаларының есімдерінің әрбір әрпіне сәйкес қандай қасиеттер тән болуы мүмкін екендігін ойланатын тапсырма берілді. Бұл қасиеттерді әрбір әріптің жанына жазды.
Конференцияның аяғында қатты музыка қосылып, ата-аналар тұрып, қол соғып және мектеп психологына ризашылықтарын білдірді.
Мектеп психологы: Султанбекова Б.М.
Посмотреть новость на сайте учреждения
.jpg)
