Қыркүйек айының 7-21 жұлдызына дейін біздің мектепте «Тілім - тірегім, соғып тұрған жүрегім» атты тіл апталағы болып өтті. Тіл апталығы өте жоғары дәрежеде өтті. Мектебіміздегі тіл мұғалімдері ерекше белсенділік танытып,әр түрлі формада ашық сабақтар мен сыныптан тыс іс-шаралар өткізді. Барлық өткізілген іс-шараларға оқушылар жауапкершілікпен белсенді түрде ат салыса қатысты.Айтулы мерекеге қарсаңында өткізілген іс-шаралардың саны біршама. Атап айтсақ, қазақ тілі мұғалімі Мусекенова Ботагоз Орынбайқызы апталықтың бірінші жұмасынан бастап 5-9 сынып оқушыларымен тіл туралы диктанттар мен шығармалар сайысын өткізді. Ең сауатты оқушылар 5 сыныпта Ислямов Жақсылық және Дәулет Арлан, 6 сыныпта Акатов Амир,Сейфулла Алишер, «Тіл тағдыры-барша қазақ халқының тағдыры» атты шығармалар сайысында ең жақсы жазылған шығарма 8 «А» сынып оқушылары Диннер Мариям және Мұхамет Жансая, 9 сыныпта Сейфолла Санжар және Нұржігіт Темірлан болды.
«Мақал-сөздің азығы, жұмбақ-ойдың қазығы, жаңылтпаш-тілдің тиегі» атты 5-6 сынып оқушылары арасында интеллектуалдық сайыс сабақ өтті.Сабақ оқушылар үшін өте қызықты, тартымды болды.Екі сыныптың оқушылары да сабаққа ерекше белсенділікпен қатысып,6 сынып оқушылары жеңіске жетті.6-8 сыныптар оқушыларының арасында «Сөзмерген» атты лексика саласынан өткенді қайталауға арналған ашық сабақ өтті.Сабақ 5 сыныпта өткендерін қайталап,бекітуге арналды.Сабақта әр оқушы берілген тапсырмалар бойынша жауап беріп, өзіне ұпай жинады. Ұпай саны бойынша лексика саласынан алған білімдері анықталды. Ең көп ұпай жинаған оқушы – Сөзмерген атанды.
Тілдер апталығында мектеп кітапханашысы – Дауленова Сауле Жиеншеқызы «Тілдер әлемінде» атты көрме ұйымдастырып,балалар үш тілдің құдіреті туралы мағұлұмат берді.
Сарсенова Алия Асылбекқызы апталыққа білек сыбана кірісті. « Тіл - халықтың қазынасы, ұлттың шежіресі» атты 5-7 сыныптарының арасында сайыс сабақ өткізді. Сайыс бірнеше бөлімдерден тұрды.Қазақ тілі туралы даналар сөзін оқушылар жаттап келген. «Адамдықтың белгісі-иіліп сәлем бергені» бөлімінде оқушылар екеуара қарапайым диологтар құрды. «Қос тіл-қос қанатың» атты бөлімінде орыс тілінен қазақ тіліне сөздердің баламасын дұрыс аудару бөлімінде оқушылар қазақ тілінде білетіндерін байқадық. «Зат есімнің септік жалғауларын табу» бөлімінде оқушылар дұрыс жауап бере білді.«Анам берген-туған тілім,атам берген-құрал тілім» бөлімінде оқушылар тілге қатысты мақал-мәтелдер айтты. «Өзге тілдің бәрін біл,өз тіліңді құрметте» бөлімінде тіл туралы өлеңдерін жатқа оқыды. «Ана тілі-ардағым» атты 6-8 сынып оқушылары арасында танымдық сабақ өтті. Іс-шарада түрлі тақырыптарды оқушылар ақын-жазушыларымыздың өлеңдерін жатқа айтып, мәнерлі оқу бойынша және тұрақты сөз тіркестерінің мәнін ашып, топтық жұмыстар жүргізді. Оқушылар іс-шараның соңында еркін тақырып бойынша өз өнерлерін көрсетті. Мұндағы мақсатымыз оқушылар ұлттық өнерге, көнерген сөздердің мағынасын тура білуге үйрету. Тіл апталығының қорытындысы 21күні « Тілге-құрмет,елге-құрмет» атты шағын ертегімен аяқталды.Тілдер мерекесінде онкүндікке белсене қатысқан оқушыларды марапатталды.Ал апталыққа белсене қатысқан барлық мұғалімдерге мектеп директоры алғыс жариялады.
Жаңалықты мекеменің сайтында қарау
.jpg)
