Сабақ жақсы деңгейде өтті деп ойлаймын. Сабақта жеті модульдің 4-уін кірістіре алдым. Атап айтқанда: Оқу мен оқыту үшін бағалау; АКТ; Сыни тұрғыдан ойлау және Диалогтік оқыту. Санды теңсіздіктер тақырыбы 6 сыныптың математикасында үлкен тақырып болғандықтан мұнда мен балалардың білімін жан-жаұты көрсетуге тырыстым. Сондықтан болар, тапсырмалардың  көптігінен сабақ соңында бір тапсырмаға уақыт жетпей қалды.  Балалар такырыпты өздері аша білді. Мені С бала негізгі ережені өзі тұжырымдағанымен таңқалдырды. Сонымен қатар оның белсенділігі осы сабақта танымастай жоғары болды. Ал бір В бала кішкене отырып қалды, Белсенділігі байқалмады, мүлдем жұлдызша ала алмай қалды. Мұғалім ретінде бұл қателікті болашақта түзеуге тырысамын. А бала сабақтың ортасында сабаққа толығымен кірісті. Мүлдем үндемеген бала болған жоқ. Фишбон бойынша тапсырмаға уақыт жетпей қалды да, оқулықпен жұмыстан кейін бірден қорытынды бөлімге көштім. Бірақ балаларға бұны аңғартпадым. Болашақта одан да жақсы ашық сабақтар өткізетін ойым бар.