«Біз және біздің сынып»

«Біз және біздің сынып»

Сабақтың мақсаты:

• Оқушылардың келесі буынға бейімделу кезеңінде баланың мінез – құлқының жан – жақты ашылуына педагогикалық-психологиялық көмек көрсету;
• Оқушылардың біліктілік дағдыларын, танымдық қызығушылықтарын түрлі ойын жаттығулары арқылы арттыру;
• Ұжымдық ойындарда өзіндік қасиеттерін ашуға, қарым – қатынасқа түсу тәсілдерін қолдануға жағдай туғызу.

Барысы:

I.Ұйымдастыру кезеңі:

Сәлемдесу: басымызды иіп жақсы, мейірімді сөз айту.

• Жақсы тілектер айтып бір – бірімізді қуанышқа бөледік. Енді екі топқа бөлініп, топ басшыларын сайлап, сабақ барысындағы ережені сақтауды ұмытпайық.

Ереже:                      

• Тыныштықты сақтау;
• Бірін – бірі тыңдау;
• Ойын ашық айту;
• Бірін – бірі сынамау;

II.Бой сергіту «Сезімді тап» ойыны

Балалар, адамның бойында қандай сезімдер болады?

Қуаныш, қорқыныш, үрей, ашу –ызы және т.б.

Енді осы сезімдерді дене қимылы, дауыс ырғағымен, ыммен көрсетуге болады. Конверттің ішінде сезім түрлері жазылған кеспелер бар. Қазір кезекпен сезім жазылған кеспені оқып отырған оқушыларға көрсетесіздер.

Сезім түрлері: нәзіктік, қызығушылық, рақаттану, ашу, наразы, қорқыныш, қуаныш, қайғы, үмітін үзу, таңдану.

Ойынды қорытындылау. Балаларды мадақтау.

III.Негізгі бөлім. Мектеп баспалдақтары.

• Балалар, мына плакаттан, «Мектеп баспалдақтары» деген жазуды көріп отырсыңдар. Осы мектепке келгенде қай баспалдықты аттадыңдар?
• Бірінші.
• Олай болса, бірінші қандай оқулықтан оқуды бастадыңдар?
• Әліппе оқулығынан нені үйрендіңдер?

Оқушылар ойын тыңдау.

Қазір біз сіздермен әліппе ойынын ойнаймыз. Екі топтың оқушыларына әріпті әліпби кеспелері таратылады. Ойыншылар шеңбер құрып, үстелдің айналасына тұрады. Ойыншылар әріпті кеспелердің соңынан басына қарай жинау керек, ең жоғарыда, «Я» әрпі, ең соңында «А» әрпі тұруы керек. Жүргізушінің белгісі бойынша басталуы керек. Уақыты 3 минут. Бірінші жинағандар және қатесі жоқтары жеңімпаз топ болып саналады.

2,3,4 сыныптарда көп нәрсені үйрендіңдер, өтілген пәндерден терең білім алдыңдар, пәндерге деген қызығушылықтарын артты. Қазір сендермен бастауыш сыныпта  өтілген пәндерге деген қызығушылықтарыңды байқап көрейік. Ол үшін сендер «Сен қай пәндерді ұнатасың?» атты плакатпен жұмыс жасаймыз. Сендер ойласып, әр пәнге деген қызығушылықтарыңызды «ұнайды», «ұнамайды» деген сөзбен жазасыңдар.

Қортынды сөз:  Яғни балалар, бастауыш сыныптан сендер көп нәрсені үйрендіңдер, бойларында көп әсерлі сөздер қалды,  сендердің іргелерің, негіздерің қаланды.

IV.Келесі баспалдағымыз 5 сынып

5 сыныпқа көшу бұл да мектеп өмірінің жаңа бастамасы.

Сұрақ: 5 сыныпта қандай өзгерістер болады?

5 –ші сыныпта сен өзіңді қалай сезінетің боласың?

Мұғалімдер қандай болса деп ойлайсың?

Оқушылар ойын тыңдау.

Жақсы, балалар енді біздің 5-ші сыныбымыз да 1 –ші сыныпқа ұқсас әліппеден басталса деп ойлаймын, бірақ 5 –ші сыныптағы әліппеміз өзгешелеу болады.

 Мына плакаттағы жазуды көріп отырсыңдар, осы жазудың шетіне  5 –ші сынып әліппесін құрсақ деген ойдамын. Құрамыз ба?

Әр оқушыға қима қағаз таратылады. Яғни бұл қағаз біздің 5- ші сыныпқа көшу танымбелгілері болып саналады. Танымбелгілеріне әр оқушы есімдерін,  есіміне байланыстыжақсы қасиеттерін жазып плакатқа жапсырады.

Оқушылар жапсырып болған соң шеңбер құрып, қол ұстасып, бір қадам алға басып, «БІЗ БӘРІМІЗ БІРГЕМІЗ» деген ұранмен 5-ші сыныпқа қадам басады.

1. «Нағыз ұстаз – бұл .... » жаттығуы.

Балалар сендер сабақ беретін ұстаздарыңды білесіңдер , сол ұстаздардың бойынан қандай қасиеттерді бағалайсыңдар?

Тапсырма:

1.Бастауыш сыныптағы ұстаздарыңның бойынан қандай қасиеттерді байқадыңдар?

2. Келешектегі ұстаздарыңның бойынан қандай қасиеттерді көргілерің келеді?

Екі топқа қасиеттер жазылған парақтар таратылады, топ бірігіп қасиеттерді өздерінің түсініктері бойынша орналастырады.

Әділдік

Ақылдылық

Білімділік

Ұстамдылық

Байқампаздық

Мейірімділік

Сабырлылық

Сенімділік

Кешірімділік

Белсенділік

Кең пейілділік

 VI.Сауалнамамен жұмыс

Оқушылардың 5-ші сыныпқа көшу барысындағы көзқарасын байқау.

1. 5-ші сыныптағы қабылдаудағы көңіл –күйің қандай? / Өте жақсы, жақсы, онша емес/
2. 5 –ші сыныптаға кітаптарға көзқарасың қандай? / ұнайды, ұнамайды, онша емес/
3. Қай пәннен терең білім алғың келеді?
4. Қай мұғалімнің сынып жетекшісі болғанын қалайсың?

VII.Қорытынды:

Бүгінгі сабақ сендерге қандай әсер қалдырады?

Кабильденова Нүргүл Қуандыққызы 

Жаңалықты мекеменің сайтында қарау

Жаңалықтар тізіміне көшу

Пікірлер